ໜ້າຫຼັກ

#ປະກາດແຈ້ງເຊີນ

ເຖີງ: ນັກສຶກສາ, ສະຖາປະນິກ, ບໍລິສັດອອກແບບ ແລະ ຜູ້ສົນໃຈ.
ເລື່ອງ: ການແຂ່ງຂັນອອກແບບຫໍມູນເຊື້ອ ປະທານ ສຸພານຸວົງ.
ມະຫາວີທະຍາໄລ ສຸພານຸວົງ ຂໍ​ເຊີນ​ຊວນ ນັກສຶກສາ, ສະຖາປະນິກ, ບໍລິສັດອອກແບບ ແລະ ຜູ້ສົນໃຈ ໃນ​ການ​ອອກ​ແບບ​ຫໍ​ມູນ​ເຊື້ອ ປະ​ທານ ສຸ​ພາ​ນຸ​ວົງ ຊຶ່ງເປັນເຊື້ອເຈົ້າທີ່ມີຄວາມຮູ້ຄວາມສາມາດ ແລະ ສະຫຼະຍົດຖາບັນດາສັກມານຳພາປະຊາຊົນຜູ້ຮັກປະເທດຊາດ ແລະ ຕ້ອງການເອກະລາດຕໍ່ສູ້ກັບຈັກກະພັດຜູ້ຮຸກຮານ ຈົນສາມາດປົດປ່ອຍປະເທດຊາດ ແລະ ເພີ່ນກໍ່ຍັງເປັນປະທານປະເທດຜູ້ທຳອິດຂອງ ສປປ ລາວ. ດັ່ງນັ້ນ, ເພື່ຶອໃຫ້ນັກສືກສາ, ນັກຮຽນຮູ້ ແລະ ຜູ້ສົນໃຈໄດ້ຮຽນຮູ້ຄຸນສົມບັດ,ສີນທຳປະຕິວັດຂອງປະທານ ສຸພານຸວົງທາງມະຫາວິທະຍາໄລ ສຸພານຸວົງ ຈຶ່ງໄດ້ຕົກລົງທີ່ຈະສ້າງຫໍມູນເຊື້ອດັ່ງກ່າວຂື້ນ:
#ຈຸດ​ປະ​ສົງ
– ເພື່ອເປັນສະຖານທີ່ສືກສາເຖິງຄຸນງາມຄວາມດີ ແລະ ຮໍ່າຮຽນເອົາຄຸນສົມບັດສິນທຳປະຕິວັດຂອງ ປະທານ ສຸພານຸວົງ.
– ເພື່ອເປັນສະຖານທີ່ຈັດກິດຈະກຳສົ່ງເສີມການຮຽນການສອນ ແລະ ແລກປ່ຽນຄວາມຮູ້ຂອງອາຈານ ແລະນັກສຶກສາ
– ເພື່ອໃຫ້ຫໍມູນເຊື້ອດັ່ງກ່າວເປັນສະຖາປັດຕະຍະກໍາທີ່ໂດດເດັ່ນ,ສ້າງສະພາບແວດລ້ອມໃໝ່ໃຫ້ກັບ ມະຫາວິທະຍາໄລ ສຸພານຸວົງ ແລະ ສະແດງອອກເຖິງຄວາມເປັນຕົວຕົນຂອງປະທານ ສຸພານຸວົງ.
ຕັ້ງຢູ່ບໍລິເວນສວນຊາວໝຸ່ມຂອງມະຫາວິທະຍາໄລ ສຸພານຸວົງ ( ວິທະຍາເຂດບ້ານດອນໃໝ່ )
– ທິດເໜືອຕິດກັບອານຸສອນສະຖານ ປະທານ ສຸພານຸວົງ ແລະ ຄະນະ ວິສະວະກຳສາດ
– ທິດໃຕ້ຕິດກັບຫ້ອງການ ແລະ ສະໂມສອນໃຫຍ່ ມສ
– ທິດຕາເວັນອອກຕິດກັບ ຄະນະ ສະຖາປັດຕະຍະກຳສາດ
– ທິດຕາເວັນຕົກຕິດກັບ ຫໍສະໝຸດ ແລະ ຫໍອາຫານ ມສ
#ຈຸດ​ພິ​ກັດ 19°55’22.70’’N 102°11’11.63’’E ຫລື ຕາມ​ລິ້ງ https://earth.google.com/…/@19.92297903,102.1863797,301…
#ລາງວັນການແຂ່ງຂັນອອບແບບ ຫໍມູນເຊືຶ້ອຂອງທ່ານ ປະທານ ສຸພານຸວົງ
– ລາງວັນທີ1 ເງີນ 5,000,000 ກິບ ພ້ອມໃບກຽດຕິຄຸນຈາກ ມະຫາວິທະຍາໄລ ສຸພານຸວົງ
– ລາງວັນຊົມເຊີຍມີ 2 ລາງວັນ, ລາງວັນລະ 1,000,000 ກິບ
– ສ່ວນທີ່ເຫຼື່ອຈະໄດ້ໃບຢັ້ງຢືນ ແລະ ໃບຍ້ອງຍໍຈາກ ມະຫາວິທະຍາໄລ ສຸພານຸວົງ
ກໍານົດການສົ່ງຜົນງານ ໃນວັນທີ 1 ເດືຶອນ 11 ປີ 2021 ( ຕາມໂມງລັດຖະການ )ທີ່ຫ້ອງການເຄຫາ – ບໍລິການ (ຫ້ອງ 110) ສຳນັກງານອະທິການບໍດີ ມະຫາໄລສຸພານຸວົງ
– ສອບຖາມຂໍ້ມູນເພີ່ມເຕີມໄດ້ທີ່ຫ້ອງການເຄຫາ – ບໍລິການ ມະຫາວິທະຍາໄລ ສຸພານຸວົງ (ເບີຕິດຕໍ່: 02099994920)
ປະກາດຜົນການແຂ່ງຂັນ ໃນວັນທີ 30 ເດືອນ 11 ປີ 2021 ທາງເວບໄຊຂອງມະຫາວິທະຍາໄລ ສຸພານຸວົງ www.su.edu.la; facebook: Souphanouvong Univ.
ກ່ຽວ​ກັບລາຍ​ລະ​ອຽດ​ແມ່ນ​ຕາມ​ແຈ້ງ​ເຊີນ​ລຸ່ມນີ້:Read

   ແຈ້ງການດ່ວນ

            ອະທິການບໍດີ ມະຫາວິທະຍາໄລ ສຸພານຸວົງ ຂໍແຈ້ງມາຍັງທ່ານຊາບວ່າ: ຄະນະຮັບຜິດຊອບຄວບຄຸມການແຜ່ລະບາດຂອງເຊື້ອພະຍາດໂຄວິດ 19 ຈາກພະແນກສາທາລະນະສຸກແຂວງຫຼວງພະບາງ ຈະໄດ້ລົງມາສັກວັກຊີນຕ້ານໂຄວິດ 19 ໃຫ້ແກ່ພະນັກງານ – ອາຈານ ແລະ ນັກສຶກສາ ທົ່ວ ມະຫາວິທະຍາໄລ ສຸພານຸວົງ (ຜູ້ທີ່ຍັງບໍ່ທັນໄດ້ສັກ) ໃນລະຫວ່າງ ວັນທີ 18-19 ພຶດສະພາ 2021 ເລີ່ມແຕ່ເວລາ 8:00 ເປັນຕົ້ນໄປ ທີ່ສະໂມສອນໃຫຍ່ ອ່ານລາຍລະອຽດເພີ່ມເຕີມ …Read More…

                   

ພິທີສະເຫຼີມສະຫຼອງວັນຄ້າຍວັນເກີດຂອງທ່ານ ປະທານ ສຸພານຸວົງ ຄົບຮອບ 112 ປີ,  ວັນປ່ອຍປາ ແລະ ອານຸລັກ ສັດນ້ຳ- ສັດປ່າ ແຫ່ງຊາດ ( 13 ກໍລະກົດ 1909 – 13 ກໍລະກົດ 2021 ) ທີ່ ມະຫາວິທະຍາໄລສຸພານຸວົງ. ໃນພິທີດັ່ງກ່າວມະຫາວິທະຍາໄລ ສຸພານຸວົງໄດ້ຈັດພິທີປ່ອຍປາລົງສູ່ໜອງປາໃຫຍ່ຂອງ ມະຫາວິທະຍາໄລ ສຸພານຸວົງ.                     

   ແຈ້ງການດ່ວນ

            ອະທິການບໍດີ ມະຫາວິທະຍາໄລ ສຸພານຸວົງ ຂໍແຈ້ງມາຍັງທ່ານຊາບວ່າ: ຄະນະຮັບຜິດຊອບຄວບຄຸມການແຜ່ລະບາດຂອງເຊື້ອພະຍາດໂຄວິດ 19 ຈາກພະແນກສາທາລະນະສຸກແຂວງຫຼວງພະບາງ ຈະໄດ້ລົງມາສັກວັກຊີນຕ້ານໂຄວິດ 19 ໃຫ້ແກ່ພະນັກງານ – ອາຈານ ແລະ ນັກສຶກສາ ທົ່ວ ມະຫາວິທະຍາໄລ ສຸພານຸວົງ (ຜູ້ທີ່ຍັງບໍ່ທັນໄດ້ສັກ) ໃນລະຫວ່າງ ວັນທີ 18-19 ພຶດສະພາ 2021 ເລີ່ມແຕ່ເວລາ 8:00 ເປັນຕົ້ນໄປ ທີ່ສະໂມສອນໃຫຍ່ ອ່ານລາຍລະອຽດເພີ່ມເຕີມ …Read More…

     ມື້ນີ້​ ວັນທີ​ 17​ ພຶດສະພາ​ 2021​ສະມາຄົມນັກທຸລະກິດໝຸ່ມແຂວງຫຼວງພະບາງໄດ້ມອບເຄື່ອງອຸປະໂພກ ໃຫ້ແກ່ນັກສຶກສາຫໍພັກ ມູນຄ່າ 5.000.000 ກີບ ແລະ ທ່ານພະນົມໄຊ ພະການຫ້ອງກວດພະຍາດພະການ​ (PHAKAN’S​ CLINIC)​ ໄດ້ມອບເຄື່ອງອຸປະກອນການແພດ ແລະ​ ຢາປົວພະຍາດຈຳນວນໜຶ່ງ ມູນຄ່າ​ 1,500,000​ ກີບ​ ໃຫ້ຂະແໜງພະຍາບານ ຂອງມະຫາວິທະຍາໄລ ສຸພານຸວົງ​ ເພື່ອໃຊ້ເຂົ້າໃນການຕິດຕາມ​ ແລະ​ ເບິ່ງແຍງສຸຂະພາບຂອງນັກສຶກສາ ທີ່ຕົກຄ້າງຢູ່ມະຫາວິທະຍາໄລ ໃນຊ່ວງການລະບາດຂອງພະຍາດໂຄວິດ-19.

#ມະຫາວິທະຍາໄລສຸພານຸວົງ ໄດ້ສືບຕໍ່ໂຈະການຮຽນ-ການສອນຊົ່ວຄາວ ນັບຕັ້ງແຕ່ວັນທີ 6 – 20 ພຶດສະພາ 2021 ແລະ ໄດ້ນຳໃຊ້ຮູບແບບການຮຽນ-ການສອນຜ່ານທາງສື່ອອນລາຍໃນຮູບແບບຕ່າງໆເຊັ່ນ: Whatsapp, Facebook live, Google Meet, Zoom, Google Classroom, OBS ແລະ ອື່ນໆ ລາຍລະອຽດແມ່ນຕາມແຈ້ງການລຸ່ມນີ້

ໃນວັນທີ 01 – 04 ພຶດສະພາ 2021 ໄດ້ມີພາກສ່ວນຕ່າງໆເຂົ້າມາມອບເຄື່ອງຊ່ວຍເຫຼືຶອນັກສຶກສາຫໍພັກ ມ.ສຸພານຸວົງ ທີ່ກັກຕົວ ເພື່ອຕ້ານ ແລະ ສະກັດກັ້ນການແຜ່ລະບາດຂອງພະຍາດ COVID-19, ລາຍລະອຽດດັ່ງລຸ່ມນີ້:

  1. ຄະນະບໍລິຫານງານ ຊປປລ ຮາກຖານ ມ.ສຸພານຸວົງ ແລະ ທີມງານສາຍໃຍຮັກຜ່ານສື່ອອນລາຍ ທີມງານຖີບລົດຖີບເພື່ອສຸຂະພາບ ຫຼວງພະບາງ ແລະ Forget Me Not, MBA FC, ເລຂາຊາວໜຸ່ມ ພະແນກແຜນການ ແລະ ການລົງທຶນ ແຂວງຫຼວງພະບາງ ໄດ້ມອບເຄຶ່ອງຊ່ວຍເຫຼືອ: ໝີ່ສຳເລັດຮູບ, ໄຂ່, ເຂົ້າສານ, ເຂົ້າຈີ່ ແລະ ຜ້າອັດປາກ, ດັງ ລວມມູນຄ່າທັງໝົດ 5.000.000 ກີບ
  2. ທີມງານ ລວມເພື່ອນ (FFF) ໄດ້ມອບເຄຶ່ອງຊ່ວຍເຫຼືອ: ໄຂ່ໄກ່ ແລະ ໜີ່ສຳເລັດຮູບ ລວມມູນຄ່າ 1.365.000 ກີບ.
  3. ພະນັກງານຄູ-ອາຈານ ແລະ ນັກສຶກສາ ຄະນະເສດຖະສາດ ແລະ ການທ່ອງທ່ຽວໄດ້ມອບ ເຂົ້າສານ (ເຂົ້າໜຽວ ແລະ ເຂົ້າຈ້າວ), ແຈ່ວບອງ, ປ໋ອງປາ, ໝີ່ສຳເລັດຮູບ ແລະ ຜ້າປິດປາກ, ດັງ ລວມມູນຄ່າ 1.065.000 ກີບ
  4. ທີມງານສ່ຽວ ຫຼວງພະບາງ-ວຽງຈັນ ໄດ້ມອບເຄຶ່ອງຊ່ວຍເຫຼືອ: ໝີ່ສຳເລັດຮູບ ຈຳນວນ 15 ແກັດ ແລະ ນໍ້າດື່ມ 1 ແພັກ ລວມມູນຄ່າ 800.000 ກີບ
  5. ສະຫະພັນແມ່ຍິງ ມ. ສຸພານຸວົງໄດ້ມອບເຄຶ່ອງຊ່ວຍເຫຼືອ: ອາຫານແຫ້ງ ( ຂຽບໝູ, ໜັງພອງ, ຊິ້ນສະຫວັນ, ໝູຝອຍ, ເຂົ້າຈີ່ ແລະ ໝີ່ສຳເລັດຮູບ) ລວມມູນຄ່າ 1.500.000 ກີບ.
  6. ສະຫະພັນ ກຳມະບານ ມ.ສຸພານຸວົງ ໄດ້ມອບເຄຶ່ອງຊ່ວຍເຫຼືອ: ເຂົ້າສານ ແລະ ໝີ່ສຳເລັດຮູບ ລວມມູນຄ່າ 600.000 ກີບ.
  7. ຫໍພັກພະນັກງານ (ຕຶກຊັ້ນ 3) ໄດ້ມອບເຄຶ່ອງຊ່ວຍເຫຼືອ:ນໍ້າມັນພືດ ແລະ ໄຂ່ ລວມມູນຄ່າ 300.000 ກີບ.
  8. ສະຫະພັນ ກຳມະບານ ມ.ສຸພານຸວົງ ໄດ້ມອບເຄຶ່ອງຊ່ວຍເຫຼືອ (ມອບໃຫ້ນັກສຶກສາຫໍພັກ ຫວຽດນາມ): ເຂົ້າສານ, ໝີ່ສຳເລັດຮູບ ແລະ ນໍ້າດື່ມ ລວມມູນຄ່າ 250.000 ກີບ.
  9. ນາງ ຄຳຫຼ້າ ອຸດົມສິນ + ທ້າວ ວັນນະກອນ ຂຸມເພັດຊະວົງ (ກໍ່ສ້າງເຄຫະ) ໄດ້ມອບເຄຶ່ອງຊ່ວຍເຫຼືອ: ນໍ້າດື່ມ ຈຳນວນ 232 ຕຸກ ແລະ ພາຫະນະຂົນສົ່ງ (ບໍ່ລະບຸມູນຄ່າການຊ່ວຍເຫຼືອ)
  10. 10. ຄະນະເສດຖະສາດ ແລະ ການທ່ອງທ່ຽວ ມ.ສຸພານຸວົງ ໄດ້ມອບເຄຶ່ອງຊ່ວຍເຫຼືອ: ປ້າຍພິທີມອບ-ຮັບເຄື່ອງບໍລິຈາກ ລວມມູນຄ່າ 230.000 ກີບ.
  11. 11. ໜ່ວຍແມ່ຍິງ ຄະນະເສດຖະສາດ ແລະ ການທ່ອງທ່ຽວ ພ້ອມດ້ວຍພາກສ່ວນ:
  • ນາງ ວິໄລພອນ ຈັນທະວົງ ບ້ານພູເຫຼັກຈະເລີນ
  • ນາງ ສີລະຄອນ ສິງຫາລາດ
  • ນາງ ບົວວັນ ຈັນຖະຝົນ
  • ທ່ານ ບຸນເພັງ ດີວິໄຊ
  • ທ່ານ ຮສ ປອ ທອງວັນ ສີຣິວັນ
  • ບໍລິສັດ ພີເອ ກໍ່ສ້າງຈຳກັດ ນະຄອນຫຼວງວຽງຈັນ
  • ທ່ານ ບຸນເກີດ ສຸວັນນະເສນ (ດ່ານພາສີສາກົນ ບໍ່ເຕ່ນ)

ໄດ້ມອບເຄຶ່ອງຊ່ວຍເຫຼືອ: ເຂົ້າສານ, ແຈ່ວບອງ, ປ໋ອງປາ ແລະ ໝີ່ສຳເລັດຮູບ ລວມມູນຄ່າ 2.860.000 ກີບ
12. ກຳມະບານ ຮາກຖານ ຄະນະເສດຖະສາດ ແລະ ການທ່ອງທ່ຽວ ມ.ສຸພານຸວົງ ໄດ້ມອບເຄຶ່ອງຊ່ວຍເຫຼືອ: ຊີ້ນສະຫວັນ, ໄຂ່, ແຈ່ວບອງ ແລະ ຂຽບໝູ ລວມມູນຄ່າ 700.000 ກີບ
13ທ່ານ ກອນປະດິດ ດວງອຸທິ ໄດ້ມອບເຄຶ່ອງຊ່ວຍເຫຼືອ: ໝີ່ສຳເລັດຮູບ ລວມມູນຄ່າ 500.000 ກີບ.
14. ຄະນະ ກະເສດສາດ ແລະ ຊັບພະຍາກອນປ່າໄມ້ (ໜ່ວຍພັກ, ແມ່ຍິງ ແລະ ຊາວໜຸ່ມ) ມ.ສຸພານຸວົງ ໄດ້ມອບເຄຶ່ອງຊ່ວຍເຫຼືອ: ໝີ່ສຳເລັດຮູບ, ໄຂ່ ແລະ ນໍ້າດື່ມ ລວມມູນຄ່າ 2.300.000 ກີບ

ໃນຕອນບ່າຍວັນສຸກ, ວັນທີ 2 ເມສາ 2021 ມະຫາວິທະຍາໄລສຸພານຸວົງ ແລະ ບໍລິສັດ ສະຕາໂທລະຄົມຈຳກັດ ສາຂາຫຼວງພະບາງ​ ໄດ້ຈັດພິທີເຊັນສັນຍາ ບົດບັນທຶກຄວາມເຂົ້າໃຈ(MOU)​ ການຮ່ວມມືຮອບດ້ານເພື່ອຫັນການບໍລິຫານລັດແບບອີເລັກໂຕນິກ(Digital)​ ເປົ້າໝາຍເພື່ອພັດທະນາເປັນມະຫາວິທະຍາໄລທີ່ທັນສະໄໝ (Smart University)​ ເທື່ອລະກ້າວ.

 

ຕອນເຊົ້າຂອງວັນທີ 11 ມີນາ 2021 ມະຫາວິທະຍາໄລສຸພານຸວົງ ໄດ້ເປີດກອງປະຊຸມ ສະພາວິຊາການ ສະໄໝສາມັນຄັ້ງທີ 1 ຂື້ນ ໂດຍໃຫ້ກຽດເປັນປະທານຂອງ ທ່ານ.​ ຮສ.​ ວິໄຊ ຈັນສະຫວ່າງ ອະທິການບໍດີ ມະຫາວິທະຍາໄລສຸພານຸວົງ, ພ້ອມດ້ວຍບັນດາທ່ານ ຮອງອະທິການບໍດີ, ສະມາຊິກສະພາວິຊາການ,​ ຕົວແທນອາຈານຈາກຄະນະວິຊາແລະ​ ຕົວແທນຜູ້ສັງເກດການຈາກຫ້ອງການຕ່າງໆກໍ່ເຂົ້າຮ່ວມ ຢ່າງພ້ອມພຽງ ທີ່: ຫ້ອງປະຊຸມຊັ້ນສອງ​ ສຳນັກງານອະທິການບໍດີ ມະຫາວິທະຍາໄລສຸພານຸວົງ; ກອງປະຊຸມຈະດຳເນີນໄປເປັນເວລາ 2 ວັນ ລະຫວ່າງວັນທີ 11-12 ມີນາ 2021 ຈຶ່ງຈະສຳເລັດ.

ສາທຸຈ່ອຍ ຈາກວັດລາວເມືອງໄວເຊເລັຍ ລັດຄາລິໂຟເນັຍ ປະເທດສະຫະລັດອະເມລິກາ ໄດ້ໃຫ້ທຶນການສຶກສາຈຳນວນ 3 ທຶນ ປື້ມປະຫວັດສາດລາວ ແລະ ອຸປະກອນການສຶກສາ ລວມຈຳນວນ 9.295.000 ກີບ , ທ່ານ ດຣ.ບອບ ໄດ້ມອບທຶນການສຶກສາ ຈຳນວນ 1 ທຶນ ແລະ ປື້ມຕຳລາລວມມູນຄ່າ 100 ຮ້ອຍກວ່າລ້ານກີບ ໃນວັນທີ່ 28 ທັນວາ 2020 ຜ່ານມາ

ອ່ານຂ່າວແລະຂໍ້ມູນເພີ່ມເຕີມໄດ້ທີ່ນີ້