ມະຫາວິທະຍາໄລສຸພານຸວົງ ຈັດພິທີປະກາດແຕ່ງຕັ້ງ ແລະ ທາບທາມເປົ້າໝາຍພະນັກງານດຳລົງຕໍາແໜ່ງບໍລິຫານ.
_________
ໃນຕອນເຊົ້າຂອງວັນທີ 22 ມິຖຸນາ 2026 ທີ່ສະໂມສອນ ມະຫາວິທະຍາໄລສຸພານຸວົງ ໄດ້ຈັດພິທີປະກາດແຕ່ງຕັ້ງ ແລະ ທາບທາມພະນັກງານດຳລົງຕໍາແໜ່ງບໍລິຫານຂອງມະຫາວິທະຍາໄລສຸພານຸວົງ ຂຶ້ນ ໂດຍການເປັນປະທານຂອງທ່ານ ປອ. ຕຸດາວັນ ໜໍ່ເມືອງເສດ ຄະນະປະຈໍາພັກກະຊວງ, ຫົວໜ້າກົມການຈັດຕັ້ງກະຊວງສຶກສາທິການ ແລະ ກິລາ, ມີທ່ານ ຮສ. ປອ. ໄກສອນ ເພັງໂສພາ ຄະນະພັກກະຊວງ, ຫົວໜ້າກົມການສຶກສາຊັ້ນສູງກະຊວງສຶກສາທິການ ແລະ ກິລາ, ທ່ານ ຮສ. ປອ. ວົງປະສິດ ຈັນທະຄູນ ຄະນະປະຈໍາພັກ, ຮອງຜູ້ອໍານວຍການ ມະຫາວິທະຍາໄລສຸພານຸວົງ, ພ້ອມດ້ວຍພະນັກງານການນຳ ແລະ ຄູ-ອາຈານພາຍໃນ ມະຫາວິທະຍາໄລສຸພານຸວົງ ແລະ ແຂກຮັບເຊີນເຂົ້າຮ່ວມຢ່າງພ້ອມພຽງ.