ວິສະວະກຳສາດ

 

ຊື່ເວັບໄຊ www.su.edu.la/cpe
ຊື່ເຟດບຸກ https://www.facebook.com/Engineering.Souphanouvong.FEN.SU
ສະຖານທີ່ຕັ້ງ ບ້ານ ດອນໃຫ່ມ ຖະໜົນ 13 ເໜືອ, ເມືອງ ແລະ ແຂວງ ຫຼວງພະບາງ
ຄະນະບໍດີ 1.      ທ່ານ ເພັດສະດາຈັນ ສາຍປະເສີດ
2.      ທ່ານ  ວິນັດ ເມກທະນາວັນ
3.      ທ່ານ  ພູພະນົນ ພັນທະວົງ
ຕິດຕໍ່ຫ້ອງການ     020 98939419
  1. ປະຫວັດຫຍໍ້, ຄໍາຂວັນ, ວິໄສທັດ ແລະ ໜ້າທີ່ຂອງ ຄະນະວິສະວະກໍາສາດ.
  • ປະຫວັດຫຍໍ້:

ຄະນະວິສະວະກຳສາດ (ຄວສ.) ມະຫາວິທະຍາໄລສຸພານຸວົງ (ມສ.) ສ້າງຕັ້ງຂຶ້ນໃນ ສົກຮຽນ 2006-2007 ພາຍ​ໃຕ້ໂຄງການກໍ່ສ້າງ ມະຫາວິທະຍາໄລແຫ່ງຊາດ ສາຂາ ຫຼວງພະບາງ.  ຄະນະວິສະວະກຳສາດ ປະກອບດ້ວຍ 4 ພາກ​ວິຊາ:  ພາກວິ​ຊາວິສະວະກຳໄຟຟ້າ, ​ພາກວິ​ຊາວິສະວະກໍາຄອມພິວເຕີ, ພາກວິ​ຊາວິ​ສະວະ​ກຳ​ໂຍທາ ແລະ ພາກວິ​ຊາ​ວິ​ສະ​ວະ​ກຳ​ວັດ​ສະ​ດຸ​ສາດ ພາຍ​ໃຕ້ລະບົບການສຶກສາ 4 ປີ ​ໃນລະດັບປະລິນຍາຕີ.

  • ຄໍາຂວັນ:

ວິຊາການເກັ່ງ  ​ເປັນຄົນດີ  ມີວິ​​ໄນ ໃສ່ໃຈສ້າງປະໂຫຍດ ໂດດເດັ່ນໃນສັງຄົມ 

  • ວິໄສທັດ:

ຄະນະວິສະວະກຳສາດ ຈະຕ້ອງເປັນ:

  • ​​ແຫຼ່ງຜະລິດນັກວິສະວະກອນທີ່​​​ເກັ່ງທາງດ້ານວິຊາການທີ່ພຽບພ້ອມໄປດ້ວຍຄຸນສົມບັດດີແທດເໝາະແລະ ເປັນທີ່ຕ້ອງການຂອງສັງຄົມ ທັງພາຍໃນ ແລະ ຕ່າງປະເທດ.
  • ເປັນແຫຼ່ງໃຫ້ບໍລິການວິຊາການ​​ແກ່ສັງຄົມດ້ວຍຄວາມໝັ້ນໃຈແລະ ຮັບປະກັນທາງດ້ານຄຸນະພາ.​
  • ໜ້າທີ່
  • ສ້າງ​ນັກ​ວິສະວະກອນທີ່ມີ​ຄວາມ​ສາມາດ​ເຮັດ​ວຽກ​ໄດ້​ຢ່າງ​ມີ​ປະສິດທິພາບ ​ແລະ ​​ແທດ​ເໝາະກັບ​ຄວາມ​ຕ້ອງການ​ຂອງ​ສັງຄົມ.
  • ສ້າງນັກ​ສຶກສາ​ທີ່ຈົບ​ອອກ​ໄປ​ໃຫ້ມີ​ມະນຸດ​ສຳພັນ​ທີ່ດີ, ຊື່ສັດ, ຮັກ​ການ​ອອກ​ແຮງ​ງານ ​ແລະ ​ເຄົາລົບ​ຕໍ່ລະບຽບກົດໝາຍ.
  • ເຮັດ​ການຄົ້ນຄ້ວາ-ທົດ​ລອງ​ຕ່າງໆ​ເພື່ອ​ໃຫ້​ຜົນ​ປະ​ໂຫຍ​ດ​​ຕໍ່ການພັດທະ​ນາ​ສັງຄົມ.
  • ໃຫ້ບໍ​ລິການ​ວິຊາ​ການ​ດ້ານວິສະວະກໍາຢ່າງ​ມີ​ຄຸ​ນະພາ​ບ.
  • ຮັກສາ​ຮີດຄອງ​ປະ​ເພນີ ​ແລະ ວັດທະນະ​ທຳຂອງລາວ.
  • ພັດທະນາ​ຄະນະ​ວິຊາ​ໃຫ້ສາມາດ​ກຸ້ມ​ຕົນ​ເອງ-​ເພິ່ງ​ຕົນ​ເອງ​ໄດ້.

 

  1. ສະຖິຕິພະນັກງານ-ອາຈານ ແລະ ນັກສຶກສາ
  • ພະ​ນັກ​ງານ-​ອາ​ຈານ​ທັງ​ໝົດ 51 ທ່ານ​, ຍິງ 5 ​ທ່ານ.
  • ປະ​ລິນ​ຍາ​ເອກ 2 ​ທ່ານ, ຍິງ 0
  • ປະ​ລິນ​ຍາ​ໂທ 27 ທ່ານ, ຍິງ 2​ທ່ານ
  • ປະ​ລິນ​ຍາ​ຕີ 21 ​ທ່ານ, ຍິງ 3 ທ່ານ ແລະ ຊັ້ນ​ສູງ 1 ທ່ານ, ຍິງ 0
  • ​ ປັດຈຸບັນໄດ້​ດຳ​ເນີນ​ການ​ຮຽນ-ການ​ສອນ​ສຳ​ເລັດ​​ 9 ຮຸ່ນ ມີນັກ​ສຶກ​ສາ​ຈົບທັງໝົດ 1018 ຄົນ, ຍິງ 159 ຄົນ
  1. ຫຼັກສູດການຮຽນ-ການສອນ ມີຄື:

1). ຫຼັກສູດປະລິນຍາຕີວິສະວະກໍາໄຟຟ້າ

2).ຫຼັກສູດປະລິນຍາຕີວິສະວະກໍາຄອມພິວເຕີ

3).ຫຼັກສູດປະລິນຍາຕີວິສະວະກໍາໂຍທາ

4).ຫຼັກສູດປະລິນຍາຕີເຕັກໂນໂລຊີໂລຈິສຕິກ

5).ຫຼັກສູດປະລິນຍາຕີວິສະວະກໍາວັດສະດຸສາດ

  1. ໂຄງປະກອບການຈັດຕັ້ງ

ຄະນະວິສະະກຳສາດ ມີໂຄງປະກອບກົງຈັກ ດັ່ງນີ້:

4.1. ສະພາ​ຄະນະວິສະວະກຳສາດກຳມະການບໍລິຫານ ແລະ ກຳມະການວິຊາ​ການ

4.2. ຄະນະບໍດີ ແລະ ຮອງຄະນະບໍດີ ປະກອບມີ:

  • ຄະນະບໍດີ 1 ທ່ານ
  • ຮອງຄະນະບໍດີ ຝ່າຍບໍລິຫານ 1 ທ່ານ
  • ຮອງຄະນະບໍດີ ຝ່າຍວິຊາການ 1 ທ່ານ

4.3. ໂຄງປະກອບກົງຈັກດ້ານບໍລິຫານ ປະກອບມີ:

  • ພະແນກບໍລິຫານ
  • ພະແນກວິຊາການ
  • ພະແນກຄົ້ນຄວ້າວິທະຍາສາດ ແລະ ບໍລິການວິຊາການ
  • ພະແນກຄຸ້ມຄອງນັກສຶກສາ

4.4. ໂຄງປະກອບກົງຈັກດ້ານວິຊາການ ປະກອບມີ 4 ພາກວິຊາ:

  • ພາກວິຊາວິສະວະກຳໄຟຟ້າ
  • ພາກວິຊາວິສະວະກຳຄອມພິວເຕີ
  • ພາກວິຊາວິສະວະກຳໂຍທາ
  • ພາກວິຊາວິສະວະກຳວັດສະດຸສາດ